Student Information

နေ့သင်တန်းကျောင်းသားကျောင်းသူ အချက်များ

  • မြိတ်တက္ကသိုလ်တွင် မြန်မာစာ၊ အင်္ဂလိပ်စာ၊ ပထဝီဝင်၊ သမိုင်း၊ ဒဿနိကဗေဒ၊ အရှေ့တိုင်းပညာ၊ ဓာတုဗေဒ၊ ရူပဗေဒ၊ သင်္ချာ၊ သတ္တဗေဒ၊ ရုက္ခဗေဒ၊ ဘူမိဗေဒ၊ အဏ္ဏဝါသိပ္ပံ ဘာသာရပ်တို့ကို သင်ကြားပို့ချလျှက်ရှိပါသည်။
  • နေ့သင်တန်း ကျောင်းသား / ကျောငး်သူ များသည် ကျောင်းစတင် ဖွင့်လှစ်သည့် အချိန်မှ စ၍ ကျောင်းဝင် မှတ်ပုံတင်ခြင်း များကို တစ်လ အတွင်း ဆောင်ရွက်နိုင်ပြီး ကျောင်းပြောင်း၊ ဘာသာပြောင်း ကိစ္စရပ်များကို နေ့သင်းတန်းများ ဖွင့်လှစ်ပြီး (၂၁) ရက်အတွင်း သင်တန်းရေးရာ ဌာနနှင့် ဆက်သွယ် ဆောင်ရွက်နိုင်ပါသည်။ ကျောင်းလခ သင်တန်းကြေးများ ပေးသွင်းပြီးမှ ခုံနံပါတ် ထုတ်ပေးခြင်း၊ ကျောင်းသားကတ်များကို ထုတ်ပေးပါသည်။ ကျောင်းသား/သူများ၏ အမှတ်စာရင်း ထုတ်ယူခွင့် လျှောက်ထားခြင်း၊ ယာယီဘွဲ့များ လျှောက်ထားခြင်း၊ ကျောင်းသား ဖြစ်ကြောင်း ထောက်ခံစာ၊ နှုတ်ထွက်စာ၊ ရပ်နား စာများကို လျှောက်ထားသူရှိပါက စိစစ်ထုတ်ပေး ပါသည်။ ဘွဲ့နှင်းသဘင် လျှောက်လွှာခေါ် ယူသည့် အချိန်တွင် ဘွဲ့လျှောက်လွှာများ တင်သွင်းစေပြီး ဘွဲ့နှင်းသဘင် ကျင်းပ၍ ဘွဲ့လက်မှတ်များ ထုတ်ပေးပါသည်။ ဘွဲ့နှင်း သဘင် မတက်ရောက်နိုင်သူများကိုလည်း အဝေး ရောက်ဘွဲ့လက်မှတ်များ ထုတ်ပေး ပါသည်။ နေ့သင်တန်း စာမေးပွဲများကို ဦးစီးဌာနမှ သတ်မှတ်ရက်များအတွင်း ကျင်းပပေးပြီး အောင် စာရင်းများကိုလည်း ပညာသင်ကာလ နှစ်ကြိမ် အတွင်း ပညာနှစ် အဆုံးတွင် အချိန်နှင့် တပြေးညီ ထုတ်ပြန်ပေးပါသည်
  •  Student Service Center ကိုလည်း ကျောင်းဖွင့်ရက်များတွင် နေ့စဉ် တာဝန်ချထားပြီး မော်ကွန်းထိန်း၊ လ/ထ မော်ကွန်းထိန်းတို့မှ ဦးဆောင်ပြီး အဖွဲ့ငယ်များဖြင့် တာဝန်ချထားပါသည်။ ကျောင်းသား/သူများ မေးမြန်းစုံစမ်းသော အချက်အလက်များကို လမ်းညွှန်ပေးခြင်း၊ ဖြေကြားပေးခြင်းများ ပြုလုပ်ပါသည်။
  • သင်တန်းရေးရာဌာန၏ လက်အောက်တွင် အားကစားဌာနရှိပြီး အားကစား အရာရှိတစ်ဦး၊ နည်းပြတစ်ဦးတို့မှ တာဝန်ယူဆောင်ရွက်ပါသည်။
  •    မြိတ်တက္ကသိုလ် နေ့သင်သန်းတွင် ဘာသာရပ် (၁၃) ခုနှင့် ပထမနှစ်မှ နောက်ဆုံးနှစ်ထိ သင်တန်းများ၊ ဂုဏ်ထူးတန်းများ၊ မဟာဝိဇ္ဇာ/မဟာသိပ္ပံ သင်တန်းများနှင့် မဟာသုတေသန သင်တန်းများကို သင်ကြားပို့ချလျှက်ရှိပါသည်။

အဝေးသင်ကျောင်းသားကျောင်းသူ အချက်များ

  •  ကျောင်းဝင်မှတ်ပုံတင်ရာတွင် လိုအပ်သောအချက်များ
  •  ကျောင်းပြောင်းရွှေ့ခြင်း
  • အထူးပြုဘာသာပြောင်းလဲခြင်း
  • ထောက်ခံစာ တောင်းခံခြင်း
  • ယာယီဘွဲ့ထောက်ခံစာတောင်းခံခြင်း
  • ယာယီနှုတ်ထွက် ခွင့်တောင်းခံခြင်း
  • ဘွဲ့လျှောက်လွှာတင်သွင်းခြင်း
  • စာစဉ်တင်သွင်းခြင်း၊ ပို့ချချက်စာအုပ်နှင့် လေ့လာမှု  လမ်းညွှန်စာအုပ်များ
Latest News